Super Liqanın 15-ci turu İstanbul derbisi ilə əlamətdar olub

Türkiyə Super Liqasının 15-ci turu İstanbul derbisi ilə əlamətdar olub.

Bu mövsümdə qeyri-sabit nəticələrlə azarkeşlərini məyus edən “Beşiktaş” “Fənərbağça”nı qəbul edib.

Matçda hesabı qonaq komanda açıb. 10-cu dəqiqədə Edin Ceko fərqlənib. Lakin 14 dəqiqə sonra “qara-qartallar” hesabı bərabərləşdirib. Aleks Çemberlen “Fənər”in qapısını dəqiq nişan alıb. Komandalar fasiləyə bərabərliklə yollanıblar.

İkinci yarıda isə “ağ-qaralar”ın qapısına daha 2 dəfə yol tapan “Fənərbağça” derbidən 3-1 hesabı ilə qalib ayrılıb.

Bu nəticədən sonra “Fənər” 40 xalla liderliyə yüksəlib. “Qara qartallar” isə 26 xalla 4-cü yerdədir.

Əlavə edək ki, “Fənərbağça” növbəti turda “Konyaspor”u qəbul edəcək. “Beşiktaş” isə “Rizespor”un qonağı olacaq.