İdman
Pleyeri seçin:
Taekvondoçumuz İmadəddin Xəlilov Paralimpiadanın finalına yüksəlib
Taekvondoçumuz İmaməddin Xəlilov Paris Paralimpiadasında finala yüksəlib.
70 kq çəki dərəcəsində mübarizə aparan idmançımız əvvəlcə 1/4 finalda kubalı Mişel Ernesto Uolkerlə üz-üzə gəlib. K44 kateqoriyasında yer alan İ.Xəlilov rəqibini 12:2 hesabı ilə məğlub edərək yarımfinala adlayıb. Burada isə özbəkistanlı Cavoxir Alikulovdan güclü olan İmaməddin final mərhələsinə vəsiqə qazanıb.
Xatırladaq ki, Fransanın paytaxtında keçirilən 17-ci Paralimpiya Oyunlarında daha əvvəl parataekvondoçumuz Sabir Zeynalov bürünc medala yiyələnib. 58 kq çəkidə yarışan təmsilçimiz mükafat uğrunda görüşdə Tailand nümayəndəsindən güclü olub.
Qeyd edək ki, avqustun 28-i start götürən paralimpiada sentyabrın 8-dək davam edəcək. 4463 paraatletin 22 növdə mübarizə apardığı turnirdə ölkəmiz 7 növdə 18 idmançı ilə təmsil olunur.
Kopyalandı
Seçilmişlər
