Pleyeri seçin:
Taekvondoçumuz Qaşım Maqomedov Olimpiadanın 1/4 finalında
Paris Yay Olimpiya Oyunlarında daha bir idmançımız mübarizəyə qoşulub.
58 kq-dək çəkidə yer alan taekvondoçumuz Qaşım Maqomedov yarışa 1/8 finaldan start verib.
Bu mərhələdə irlandiyalı Cek Uolleylə üz-üzə gələn təmsilçimiz görüşdən qalib ayrılaraq 1/4 finala adlayıb.
Qeyd edək ki, ötən il Estoniyada keçirilən Avropa çempionatında qızıl medal qazanan Qaşım Maqomedov bu il Belqradda təşkil olunan turnirdə 3-cü yerin sahibi olub. Bundan başqa, o, “Bakı-2017” və “Konya-2021” İslam Həmrəyliyi Oyunlarında müvafiq olaraq gümüş və bürünc mükafata yiyələnib. 24 yaşlı taekvondoçu ötən il Polşanın Krakov şəhərində baş tutan Avropa Oyunlarında da fəxri kürsüyə qalxaraq, ölkəmizin aktivinə bürünc medal yazdırıb.
Kopyalandı