İdman
Pleyeri seçin:
Taekvondoçumuz Qaşım Maqomedov Paris-2024-ə vəsiqə qazanıb
Azərbaycanlı taekvondoçusu Qaşım Maqomedov Paris-2024 Yay Olimpiya Oyunlarına lisenziya qazanıb.
58 kq çəkidə mübarizə aparan idmançımız bu uğura Çinin Usi şəhərində keçirilən “Böyük Dəbilqə”nin Çempionlar Seriyasında imza atıb.
Təsnifat mərhələsini uğurla tamamlayan Maqomedov 1/4 finalda İran təmsilçisini məğlub edərək yarımfinala yüksəlib. Burada isə o, çin taekvondoçusu üzərində parlaq qələbə qazanaraq finala adlayıb.
Həlledici görüşdə idmançımız dünya çempionu koreyalı Yun-Seo Baenlə üz-üzə gəlib. Qızıl medal uğrunda görüşdə 2-0 hesabı ilə qalib gələrək 1-ci yeri tutan Qaşım həm də Paris Olimpiadasına lisenziyanın sahib olub.
Qeyd edək ki, bu, taekvondo yığmamızın gələn il keçiriləcək Yay Olimpiya Oyunlarına əldə etdiyi ilk lisenziyadır.
Kopyalandı
Seçilmişlər
