Tramp Messini Ağ Evdə qarşıladı: "Oğlum sənin böyük fanatındır"

ABŞ Prezidenti Donald Tramp "İnter Mayami" komandasının MLS Kubokundakı qələbəsində Lionel Messini xüsusi qeyd edib.

Amerika Birləşmiş Ştatlarının 47-ci Prezidenti 2025-ci ilin noyabr ayında ilk MLS pley-off titulunu qazanan Florida komandasını Ağ Evdə qəbul edib. Messi ilk dəfə ABŞ dövlət başçısının rəsmi iqamətgahını ziyarət edib.

"Bu gün 2025 MLS Kubokunun qalibi "İnter Mayami" komandasını qarşılamaqdan məmnunuq. Əla iş görmüsünüz. Mənim üçün şərəfdir ki, heç bir ABŞ Prezidentinin demədiyi sözləri deyirəm: Ağ Evə xoş gəlmisən, Lionel Messi.

Oğlum bu gün soruşdu: "Ata, Ağ Evə kimin gələcəyini bilirsən?". Mən dedim: "Xeyr. Mən çox məşğulam". O dedi: "Messi!". O, sənin böyük fanatındır və səni görkəmli insan hesab edir. Gəldiyin üçün təşəkkür edirəm.

Oğlum böyük futbol azarkeşidir. Messinin və Ronaldu adlı centlmenin böyük fanatıdır. İki böyük çempion, böyük idmançı. Öz işlərini sevən insanlar. Sizi burada görmək Ağ Evdə hamımız üçün böyük şərəfdir", – D.Tramp deyib.