Türkiyəli futbolçu Arda Gülərin "Real"da növbəti uğuru

La Liqanın 36-cı turunda “Real”ın “Alaves” üzərində 5-0 hesablı qələbəsi “kral klubu”nun gənc ulduzu Arda Gülər üçün əlamətdar olub.

Qarşılaşmanın 62-ci dəqiqəsində oyuna daxil olan futbolçu meydana çıxmaq imkanını uğurla dəyərləndirib.

81-ci dəqiqədə “los blankos”un hücumlarından biri zamanı topa saxlamadan zərbə vuran A.Gülər görüşdə son nöqtəni qoyub. Bununla da, istedadlı yarımmüdafiəçi “Real”ın heyətində bütün yarışlarda 11-ci matçında 4-cü qoluna imza atıb.