Türkiyəli idmançı : Azərbaycanlı qardaşlarımız yoxdursa, biz varıq

Ermənistanda keçirilən ağır atletika üzrə Avropa çempionatında Türkiyənin daha bir idmançısı qızıl medal qazanıb.

64 kq çəki dərəcəsində yarışan Nuray Güngör mükafatlandırılma mərasimindən sonra müsahibəsində “Azərbaycanlı qardaşlarımız üzülməsin, onlar yoxdursa, biz varıq” sözlərini deyib.

Qeyd edək ki, Nuray birdən qaldırmada 99 kq-ın öhdəsindən gələrək bütün rəqiblərini qabaqlayıb. Təkanla qaldırmada isə 120 kq nəticə göstərərək bürünc mükafata yiyələnən N.Güngör ümumən 2 hərəkətin cəmində 219 kq göstərici ilə İrəvandakı turnirin qalibi olub.