Pleyeri seçin:
U-23 sərbəst güləş yığmamız tarixi nəticəyə imza atıb
23 yaşadək idmançılardan ibarət sərbəst güləş yığmamız ardıcıl 4-cü dəfə Avropa çempionu olub.
Albaniyada keçirilən turnirdə komandamız 10 çəkidən 9-da medal qazanıb.
Təmsilçilərimizdən Arseniy Djioyev 86 kq çəkidə fəxri kürsünün ən yüksək pilləsinə qalxıb. Ceyhun Allahverdiyev, Kənan Heybətov, Ağanəzər Novruzov və Fərid Cabbarov da finala qədər irəliləsələr də, həlledici görüşdə uduzaraq gümüş mükafatla kifayətləniblər.
Rəhman İmanov, Murad Haqverdiyev, Sadiq Mustafazadə və Yusif Dursunov isə bürünc medala yiyələniblər.
Bu nəticələr sayəsində ilk dəfə 2022-ci ildə 23 yaşadək idmançılar arasında Avropa çempionu olan sərbəst güləş yığmamız uğurlu seriyanı davam etdirib.
Qeyd edək ki, 169 xalla 1-ci pillədə qərarlaşan Azərbaycan komandasının ardından Türkiyə və Ukrayna kollektivləri müvafiq olaraq 2-ci və 3-cü yerləri tutublar.
Kopyalandı
#Sərbəst güləş teqi istifadə olunub
- Güləşçimiz Ali Tsokayev 86 kq çəki dərəcəsində bürünc medal qazanıb
- "Bəzi idmançılarda xarakter çatışmazlığı var" | İDMANDA NƏ BAŞ VERİR?
- Sərbəst güləş yığmamız qitə çempionatında 6 medal qazanıb
- Güləşçilərimiz Avropa çempionatında ilk medalları qazanıblar
- Güləşçimiz Elnurə Məmmədova Avropa çempionu olub
