Ulu Öndər Heydər Əliyevin 101-ci ildönümünə həsr olunan reqatanın paradı olub

Mingəçevir şəhərində Ümummilli Lider Heydər Əliyevin anadan olmasının 101-ci ildönümünə həsr edilən avarçəkmə üzrə “Prezident Kuboku 2024” beynəlxalq reqatasının rəsmi paradı keçirilib.

Şəhərin mərkəzində təşkil olunan tədbirdə əvvəlcə yarışda iştirak edən komandaların təqdimatı olub. Turnirdə Azərbaycan avarçəkənləri ilə yanaşı, Almaniya, Türkiyə, Ukrayna və digər ölkələrdən olan idmançılar mübarizə aparacaqlar.

Ümumilikdə 21 komandanın iştirak edəcəyi reqatanın açılışı, eləcə də ilk yarış mayın 1-i Suqovuşanda olacaq. Turnirin son mərhələsi isə mayın 3-də baş tutacaq.

Qeyd edək ki, parad yekunlaşandan sonra Azərbaycan Kanoe və Avarçəkmə Federasiyasının prezidenti Vüqar Əhmədov, Mingəçevir Şəhər İcra Hakimiyyətinin başçısı İlham İsmayılov və komanda rəsmiləri Ulu Öndər Heydər Əliyevin abidəsini ziyarət edib, önünə gül dəstələri düzərək Ümummilli Liderin xatirəsinə ehtiramlarını bildiriblər.