Pleyeri seçin:
Vinisius Junior Səudiyyə Ərəbistanına yollana bilər
“Real Madrid”in ulduzu, transfer dəyəri 200 milyon avro olaraq göstərilən Vinisius Junior karyerasını Səudiyyə Ərəbistanında davam etdirə bilər.
Belə ki, bu ölkənin hökumətinin nümayəndələri bir müddət əvvəl İspaniyaya səfər edərək braziliyalı futbolçu ilə görüşüblər. Viniyə “Əl-Hilal”a keçməyi təklif edən rəsmilər ona 4 mövsüm ərzində indiyədək heç bir oyunçunun almadığı məvacib təklif ediblər. Vinisius isə hələ ki “kral klubu”ndan ayrılmağı planlaşdırmadığını və azı 2026-cı ilədək “Real”da qalmaq istədiyini bildirib.
Qeyd edək ki, 2018-ci ilin yayında 45 milyon avroya “Flamenqo”dan transfer olunan Vinisius Madrid nəhəngində 353 matça qatılıb. 109 qol və 88 assist müəllifi olan 24 yaşlı vinger komanda ilə 3 dəfə İspaniya çempionu olub. Bir o qədər ölkə superkubokunu qazanan futbolçu Çempionlar liqası, klublararası dünya çempionatı və UEFA superkubokunda 2, İspaniya kubokunda isə 1 dəfə qalib gəlib.
Kopyalandı
#Vinisius Junior teqi istifadə olunub
Seçilmişlər
