“Yuventus” klubu növbəti dəfə cəzalandırılıb

İtaliya nəhəngi “Yuventus” növbəti dəfə cəzalandırılıb. Maliyyə pozuntuları ilə bağlı aparılan araşdırmanın yekununda klub daxili çempionatda 10 xaldan məhrum edilib.

Bu qəraradək 69 xalla 2-ci yerdə olan “Qoca Sinyora” hazırda 59 xalla 7-ci pillədə qərarlaşıb. Belə olan vəziyyətdə Çempionlar liqasına vəsiqə verən 4-cü pilləyə yüksəlmək üçün Turin təmsilçisi son 2 matçda qələbə qazanmaqla yanaşı, yuxarı mövqelərdə olan “Milan”, “Roma” və “Atalanta”nın xal itirməsini gözləməlidir.