“Abşeron” yatağından qaz hasilatı nə qədər artıb? - Baku TV
2025-ci ildə Xəzər dənizinin Azərbaycan sektorunda yerləşən "Abşeron" yatağından 1,6 milyard kubmetr təbii qaz hasil olunub.
Energetika Nazirliyinin məlumatına görə, bu göstərici illik müqayisədə 0,1 milyard kubmetr və ya 6,7 % çoxdur.
Qeyd edək ki, 2025-ci ildə Azərbaycanda 51,5 milyard kubmetr təbii qaz hasil edilib. Bu da 2024-cü ilin göstəriciləri ilə müqayisədə 1,2 milyard kubmetr və ya 2,4 % çoxdur. 1960-cı illərdə kəşf edilən "Abşeron" yatağında qaz həcminin 350 milyard kubmetr olduğu bildirilir. Bu, Xəzər dənizində "Şahdəniz" yatağından sonra ikinci böyük qaz yatağıdır.
"Abşeron" yatağı üzrə 2009-cu ildə Fransanın "Total" şirkəti ilə Azərbaycan Dövlət Neft Şirkəti arasında kontrakt imzalanıb. 2023-cü ilin avqustun 4-də isə Əbu-Dabi Milli Neft Şirkəti (ADNOC) ilə "Abşeron" qaz-kondensat yatağında 30 %-lik iştirak payının əldə edilməsinə dair saziş imzalanıb.
Satınalma tamamlandıqdan sonra SOCAR və "TotalEnergies" şirkətlərinin hər birinin iştirak payları müvafiq olaraq 35 % təşkil edəcək.
#Energetika Nazirliyi teqi istifadə olunub
- SOCAR 2025-ci ildə İtaliyaya nə qədər neft ixrac edib? - Baku TV
- “İtaliya ilk dost ölkələrdəndir ki...” | Bakı-Roma əlaqələri hansı sahələrdə inkişaf edib? - Baku TV
- Qarşıya qoyulan hədəf | ARDNF-nin İtaliyadakı investisiya portfelinin bazar dəyəri - Baku TV
- Azad edilən ərazilərin işıqlandırılması necə həyata keçirilir? - Baku TV
- Energetika Nazirliyi lampalarla bağlı məsələyə aydınlıq gətirdi
