Pleyeri seçin:
Azərbaycan Beynəlxalq İnvestisiya sahəsində yeni dövr açır
Bakıda keçirilən I Azərbaycan Beynəlxalq İnvestisiya Forumu (AIIF 2025) ölkəmizin qlobal iqtisadiyyata inteqrasiyasında yeni bir səhifə açıb. Baku TV-nin süjetində qeyd olunur ki, Prezident İlham Əliyevin himayəsi altında keçirilən bu mötəbər tədbir dünyanın aparıcı investorlarını, biznes liderlərini və dövlət rəsmiərini bir araya gətirib. Forumun gedişində qeyri-neft sektorunun inkişafı, "yaşıl enerji" layihələri və rəqəmsal transformasiya sahəsində ümumi dəyəri 10 milyard dollardan çox olan strateji sazişlər imzalanıb. Xüsusilə BƏƏ-nin "Modon Holding" şirkəti ilə Böyükşor gölü ətrafında salınacaq "şəhər daxilində şəhər" layihəsi və Zəngəzur dəhlizinin gələcək investisiya potensialı geniş müzakirə olunub. Bu forum Azərbaycanın həm Şərq-Qərb, həm də Şimal-Cənub nəqliyyat qovşaqlarının mərkəzində dayanıqlı və etibarlı tərəfdaş kimi mövqeyini bir daha təsdiqləyib.
Kopyalandı
#Azərbaycan Beynəlxalq İnvestisiya Forumu teqi istifadə olunub
Seçilmişlər
