Azərbaycan qazlaşma sahəsində bu ölkələri üstələyir | Statistika ilə bağlı açıqlama

Hazırda Azərbaycanda qazlaşma səviyyəsi 97 faizə yaxınlaşır ki, bu da dünyada bir nömrəli göstəricidir.

Bunu Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin baş direktoru Azər Məmmədov Bakıda keçirilən I Beynəlxalq “Caspian Gas Industry Forum”da bildirib.

O, ölkəmizin bu baxımdan Niderland, Gürcüstan, İtaliya kimi ölkələri üstələdiyini qeyd edib.

Azər Məmmədovun sözlərinə görə, bu gün "Azəriqaz”ın qazpaylayıcı şəbəkəsinin ümumi uzunluğu 73 min kilometrdən çox, qurumun abonentlərinin sayı isə 2 milyon 600 minə yaxındır.

“Ölkədə qazlaşma sürətlə davam edir. “Azəriqaz”ın əsas problemlərindən biri köhnəlmiş infrastrukturdur. Bu gün bəzi boru xətlərinin yaşı 70 ildən artıqdır. Təbii ki, bu boru xəttini dəyişmək lazımdır, amma o işləyə də bilər”, – deyə baş direktor əlavə edib.