Azərbaycan valyutası apreldə ucuzlaşa bilər?

Azərbaycanda xarici valyutaya tələbin artması davam edir.

Belə ki, fevral ayının 1-dən 22-dək olan müddətdə keçirilmiş hərraclarda 685,5 milyon ABŞ dolları satılıb ki, bu da 2023-cü ilin ümumi fevral ayının göstəricisindən 2 dəfəyədək çoxdur. Yanvar ayında isə dollar satışında 2,2 dəfə artım olub.

Mərkəzi Bank vəziyyəti dövlət layihələrinin icrası və özəl sektorun idxal tələbi ilə izah edib. Ancaq məsələ ondadır ki, ölkəyə idxalda nəinki artım yoxdur, əksinə, yanvar ayında idxal əvvəlki ilin eyni dövrü ilə müqayisədə 20 faizə yaxın azalıb.

Bəs əslində, nə baş verir, qeyd edilənlər manatın ucuzlaşmasına gətirib çıxara bilərmi?