Pleyeri seçin:
Milli valyutanın yaranmasından bu günə | 34 illik tarixdə hansı dönüş nöqtələri yaşanıb? - Baku TV
Xəbərlərimizi Google-da izləyin
Yeniliklərdən dərhal xəbərdar olun
Bu gün Azərbaycanın milli valyutası manatın dövriyyəyə buraxılmasından 34 il ötür.
Milli valyutanın yaradılmasının əsası 1992-ci il iyulun 15-də imzalanan fərmanla qoyulub və həmin il avqustun 15-də 1, 10 və 250 manatlıq əsginaslar dövriyyəyə buraxılıb.
İlk Azərbaycan pulları Fransada hazırlanıb. 1992-ci ildən 1994-cü ilə qədər isə manatla yanaşı rubldan da istifadə olunub. 1993-cü ilin dekabrında manat ölkənin yeganə ödəniş vasitəsi elan edilib və Azərbaycan rubl zonasından çıxıb. Lakin 1990-cı illərin əvvəllərindəki ağır iqtisadi vəziyyət milli valyutanın sürətlə ucuzlaşmasına səbəb olub. Bu dövrdə daha böyük nominallı əsginaslar dövriyyəyə buraxılıb və 2006-cı ildən manatın denominasiyası həyata keçirilib. Yeni manatda 1 manat 5000 köhnə manata bərabər tutulub. 2007-ci ildən isə yalnız yeni pul nişanlarından istifadə olunmağa başlanılıb.
Manatın tarixində növbəti mühüm mərhələ 2015-ci ildə yaşanıb. Neftin dünya bazarında kəskin ucuzlaşması fonunda həmin ilin fevralında manat 34 % ucuzlaşdırılıb. Dekabrda isə üzən məzənnə rejiminə keçirilib. Hazırda Azərbaycan manatının ABŞ dollarına qarşı rəsmi məzənnəsi 1 manat 70 qəpikdir və bu göstərici 7 mart 2018-ci ildən bəri dəyişməyib.
Kopyalandı
Seçilmişlər
