Azərbaycanda son 3 ildə sığorta sektorunun aktivləri 34.2 faiz artdı

Azərbaycanda son 3 ildə sığorta sektorunun aktivləri 34,2 % artıb.

Bu barədə aprelin 16-sı Bakıda keçirilən “Insurtech” zirvə toplantısında Azərbaycan Mərkəzi Bankının sədri Taleh Kazımov bildirib.

“Son 3 ildə ölkədə sığorta haqları 495 milyon manat artaraq 1 milyard 222 milyon manata, sığorta ödənişləri isə 26,3% artaraq 587 milyon manata çatıb. Sektorun ümumi daxili məhsulda payı 1% keçib. Apardığımız qiymətləndirmələr və beynəlxalq müqayisələr göstərir ki, bu göstəricini 2%-ə çatdırmaq mümkündür”, – deyə o qeyd edib.