Benzin və dizelin pərakəndə qiymət artımını məhdudlaşdıran mexanizm açıqlanıb - Baku TV

SOCAR İtaliyada benzin və dizel yanacağının pərakəndə satış qiymətlərinin artımını məhdudlaşdırmaq məqsədilə həyata keçirdiyi tədbirlərin detallarını açıqlayıb.

APA-nın məlumatına görə, 27 sentyabr 2026-cı ildə SOCAR İtaliya bazarında satılan benzin və dizel yanacağının pərakəndə satış qiymətlərinin artımını məhdudlaşdırmaq barədə qərarını elan edib.

Bildirilib ki, mexanizm ilkin olaraq "Italiana Petroli" (IP) brendi altında fəaliyyət göstərən yanacaqdoldurma məntəqələri şəbəkəsindən başlayaraq mərhələli şəkildə tətbiq edilir.

Qeyd olunub ki, qiymət səviyyələri müxtəlif ehtiyaclar nəzərə alınmaqla müəyyən olunur.

Əlavə olunub ki, bu istiqamətdə fəaliyyətinin davamı olaraq, SOCAR 2 oktyabr 2026-cı ildə İtaliya üçün strateji əhəmiyyət daşıyan iki sektorun – kənd təsərrüfatı və mühərrikli balıqçılığın dəstəklənməsinə yönəlmiş daha bir təşəbbüs elan edib. Oktyabrın 5-dən 31-dək IP bu iki sektorda artıq xidmət göstərdiyi bütün müştərilər üçün yanacaq qiymətlərinə əhəmiyyətli endirim tətbiq edir.