Bu göstərici dövlət borcunun 13 qatını üstələyir | ARDNF-nin icraçı direktorunun müavini

Azərbaycan Dövlət Neft Fondu (ARDNF) ölkənin maliyyə dayanıqlığının əsas təminatçısı kimi çıxış edir. "Baku TV"-nin iqtisadiyyat bölməsinin məlumatına görə, ARDNF-nin İcraçı direktorunun müavini Bəhruz Bəhramov Milli Məclisdə keçirilən elmi-praktik konfransda Fondun aktivləri ilə bağlı mühüm rəqəmləri açıqlayıb. O bildirib ki, hazırda Fondun vəsaitləri Azərbaycanın xarici dövlət borcunu 13 dəfə üstələyir.

Bəhruz Bəhramovun sözlərinə görə, son 10 ildə ARDNF-nin investisiya gəlirləri 15 milyard ABŞ dollarını keçib, ümumi aktivlərin həcmi isə 70 milyard dolları ötüb. "Baku TV"-nin videomaterialında Azərbaycanın iqtisadi müstəqilliyini gücləndirən bu göstəricilər, neft gəlirlərinin səmərəli idarə olunması və gələcək investisiya strategiyaları geniş təhlil edilir. Ölkənin valyuta ehtiyatlarının xarici borca nisbəti və maliyyə "təhlükəsizlik yastığının" əhəmiyyəti barədə bütün detallar bizim xüsusi reportajda.