Pleyeri seçin:
Bu gün Azərbaycanın milli valyutası olan manatın dövriyyəyə buraxılmasından 32 il keçir
Xəbərlərimizi Google-da izləyin
Yeniliklərdən dərhal xəbərdar olun
Azərbaycanın milli valyutasının dövriyyəyə buraxılmasından 32 il ötür.
Belə ki, prosesə ölkə başçısının 15 iyul 1992-ci il tarixli “Milli valyutanın dövriyyəyə buraxılması haqqında” fərmanı ilə başlanılıb.
Bununla da 1992-ci il avqustun 15-də 1, 10 və 250 manatlıq əsginaslar, noyabrda 5, 10, 20 və 50 qəpiklik sikkələr, dekabrda 5 manatlıq əsginaslar, 1993-cü ilin martında isə 50, 100, 500 və 1 000 manatlıq əsginaslar dövriyyəyə buraxılıb. Bu sıraya həmçinin 1994-cü ildə 10 000 manatlıq, 1996-cı ildə isə 50 000 manatlıq əsginaslar daxil olub.
1992-ci ilin avqustundan 1994-cü ilin yanvarına qədər Azərbaycan ərazisində manatla yanaşı, rubldan da istifadə edilib.
Köhnə nominallı pul nişanları 2006-cı ilin sonuna qədər tədavüldə olub və denominasiya çərçivəsində dövriyyədən çıxarılıb.
Uzun illər Cənubi Qafqazın sabit valyutası olan Azərbaycan manatı 2015-ci il fevralın 21-də uzunmüddətli fasilədən sonra ilk dəfə kəskin ucuzlaşmaya məruz qalıb. 2018-ci ilin martın 7-dən indiyədək 1 ABŞ dolları 1 manat 70 qəpiyə bərabərdir.
Kopyalandı
Seçilmişlər
