COP29-la bağlı vacib açıqlama | SOCAR-ın vitse-prezidenti "Euronews"a danışdı
“Azərbaycan Dövlət Neft Şirkəti BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası çərçivəsində iqlim dəyişikliyinin təsirlərinin yumşaldılmasına kömək edəcək tədbirlər və müzakirələr təşkil edəcək”.
Bunu SOCAR-ın vitse-prezidenti Əfqan İsayev “Euronews”a açıqlamasında deyib.
Bildirib ki, strateji tərəfdaşlıqlar və perspektivli layihələr vasitəsilə SOCAR-ın hədəfi gələcək nəsillər üçün dayanıqlı gələcəyi təmin etməkdir.
“SOCAR strateji mövqe tutur ki, regionun gələcək enerji xəritəsinin formalaşmasında əsas rol oynasın”, – deyə o vurğulayıb.
Vitse-prezident həmçinin “Euronews”a şirkətin karbohidrogen və aşağı karbonlu biznes portfelini tarazlaşdırmaq məqsədilə ənənəvi neft-qaz müəssisəsindən 2035-ci ilə qədər enerji sahəsində şaxələndirilmiş lider şirkətə çevirmək planları və addımları barədə danışıb.
O, SOCAR-ın karbonsuzlaşdırmaya sadiq fəaliyyətini vurğulayaraq emissiya səviyyəsini qlobal sənaye liderlərinin səviyyəsinə uyğunlaşdırmaq niyyətində olduğunu deyib.
O bildirib ki, dövlət şirkəti strateji qlobal oyunçularla əməkdaşlıq edir, o cümlədən 2 günəş və 1 külək elektrik stansiyası da daxil olmaqla 1 GVT gücündə bərpa olunan enerji mənbələrinin, həmçinin ekoloji cəhətdən təmiz hidrogen istehsalına yönəlmiş 2 GVT gücündə dəniz külək enerjisi layihəsinin hazırlanmasına başlayıb.
#SOCAR teqi istifadə olunub
- Daşkənddə SOCAR və "Uzbekneftegaz"ın birgə layihəsinin başlanması mərasimi keçirildi - Baku TV
- Daşkənd şəhərində "Üstyurt" Əməliyyat Şirkətinin ofisi açıldı - Baku TV
- SOCAR Dəməşq Hava Limanını yanacaqla təchiz edəcək | Detallar açıqlandı - Baku TV
- Mürəkkəb quyuların qazılması üçün ilk dəfə "MudLink" texnologiyasından istifadə ediləcək - Baku TV
- SOCAR və Beynəlxalq Əmək Təşkilatı arasında potensial əməkdaşlıq imkanlarının müzakirəsi - Baku TV
