Energetika Nazirliyindən SOCAR-la bağlı məlumat | Rəqəmlər açıqlandı

2024-cü ilin yanvar-avqust aylarında Azərbaycanda 19,3 milyon ton neft hasil edilib.

Energetika Nazirliyindən verilən məlumata görə, neft hasilatının 11,1 milyon tonu “Azəri-Çıraq-Günəşli” yataqlar blokunun payına düşüb. “Şahdəniz” yatağından 2,8 milyon ton kondensat hasil edilib.

Azərbaycan Dövlət Neft Şirkəti üzrə neft hasilatı 5 milyon ton təşkil edib. Qeyd edək ki, “Abşeron” yatağı üzrə 2009-cu ildə Fransanın “Total” şirkəti ilə Azərbaycan Dövlət Neft Şirkəti arasında “Abşeron” yatağı üzrə kontrakt imzalanıb. Hazırda Abu Dabi Milli Neft Şirkəti “Abşeron” qaz-kondensat yatağında 30%-lik iştirak payına sahibdir. SOCAR və “TotalEnergies” şirkətlərinin hər birinin iştirak payları müvafiq olaraq 35% təşkil edir.