Gələcək perspektivlər ətrafında fikir mübadiləsi aparılıb - Baku TV

“AzərEnerji” ASC-nin İdarə Heyətinin sədri Baba Rzayev, “TotalEnergies” şirkətinin idarəedici direktoru Emmanuel de Guillebon və SOCAR-ın vitse-prezidenti Babək Hüseynov arasında görüş keçirilib.

Görüşdə əməkdaşlığın mövcud vəziyyəti və gələcək perspektivləri ətrafında fikir mübadiləsi aparılıb, “Abşeron” qaz-kondensat yatağının ikinci fazası çərçivəsində nəzərdə tutulan qaz emalı zavodunun elektrik təchizatı müzakirə olunub.

Qeyd edək ki, baş ofisi Fransada yerləşən “TotalEnergies” qlobal inteqrasiya olunmuş enerji şirkətidir. Neft, təbii qaz, bərpaolunan enerji və aşağı karbonlu elektrik enerjisinin hasilatı və satışı ilə məşğuldur. Hazırda ənənəvi yanacaqla yanaşı, “yaşıl” enerjiyə də böyük sərmayələr yatırır. 1996-cı ildən Azərbaycanda fəaliyyət göstərir və ölkəmizdəki “Abşeron” qaz-kondensat yatağının işlənməsində mühüm paya malikdir.