Hökumət tərəfindən özəl sektoru hansı imtiyazlar gözləyir? - Baku TV

“Azərbaycan gəlir vergisi ilə bağlı daimi güzəştli rejim tətbiq edir və verginin dərəcəsi 50 faiz azaldılır”.

Bunu maliyyə naziri Sahil Babayev Milli Məclisin plenar iclasında "2026-cı il dövlət büdcəsi haqqında" qanun layihəsinin ikinci oxunuş müzakirəsində deyib.

Nazir bildirib ki, hazırkı qanunvericiliyə dəyişiklik edilməsəydi, 2500 manata qədər gəlir 14 faiz, bu məbləğdən yuxarı gəlirlər isə 25 faiz dərəcə ilə vergiyə cəlb ediləcəkdi. Lakin hökumət özəl və qeyri-neft-qaz sektorunun inkişafını nəzərə alaraq yeni, daha geniş güzəştli rejim tətbiq edir və 14 faiz dərəcəsini 7 faizə endirir.

Sahil Babayevin sözlərinə görə, 2026-cı ildə muzdla işləyənlərin böyük əksəriyyətini əhatə edən, 2500 manata qədər gəliri olan şəxslər üçün gəlir vergisi cəmi 3 faiz olacaq. Nazir bunun özəl sektorun inkişafı üçün ciddi dəstək olduğunu vurğulayıb.