Pleyeri seçin:
Mərkəzi Bank nağdlaşdırma ilə bağlı mühüm qərarda dəyişiklik etdi
Mərkəzi Bank milli və xarici valyutada əməliyyatlarının aparılması qaydalarında dəyişikliklər edib.
Yeniliyə əsasən, fiziki şəxslərin şəxsi məqsədlər üçün ölkə xaricinə köçürdükləri məbləğlər üzrə gündəlik limitlər ləğv edilib. Əvəzində köçürmə formasından asılı olmayaraq 20 min ABŞ dolları ekvivalentinədək aylıq limit müəyyən edilib.
Həmçinin fiziki şəxslərin təkcə özünün deyil, digər şəxslərin də xaricə səfərləri ilə bağlı nəqliyyat və hotel xərclərini ödəmək imkanı nəzərdə tutulub.
Eyni zamanda idxal olunan mallar üzrə köçürmələr zamanı sənədləşmə prosesi sadələşdirilib. Ticarət vasitəçiliyi əməliyyatlarında isə vasitəçiyə əvvəlcədən köçürmə qaydasında satıcıya 180 günədək avans ödənişi həyata keçirmək imkanı yaradılıb.
Bununla yanaşı, Azərbaycanda buraxılan ödəniş kartları vasitəsilə ölkədə qeydiyyatda olan fiziki şəxslər xaricdə ay ərzində 10 min ABŞ dolları ekvivalentinədək məbləğdə vəsaiti nağdlaşdıra biləcəklər.
Kopyalandı
#Mərkəzi Bank teqi istifadə olunub
- Nağdsız əməliyyatların sayı niyə azalıb? | İqtisadçılar açıqladı - Baku TV
- Fiziki şəxslərin depozitlərinin faizləri azalıb | Ekspertlər nələri açıqladı? - Baku TV
- “Qəza etməsəniz də, daha çox ödəyəcəksiniz” | Sığorta ödənişləri daha da yüksələcək? - Baku TV
- Daşınmaz əmlakın icbari sığortası ilə bağlı qanuna dəyişiklik olunacaq
- 2025-ci ildə bankların mənfəəti 1,2 milyard manat olub
Seçilmişlər
