Mərkəzi Bank sədri köhnə dollarla bağlı açıqlama verdi

“Köhnə və təzə dollar istehsal ilinə görə təsnifləşdirilir. 2006-cı ilə qədər və ondan sonra istehsal olunan bütün dollarlar dövriyyə olunur və qəbulunda problem yoxdur”.

Bu sözləri Azərbaycan Mərkəzi Bankının sədri Taleh Kazımov keçirdiyi mətbuat konfransında ölkədə bəzi bankların köhnə dollarları götürməməsi ilə bağlı məsələyə aydınlıq gətirərkən deyib.

“Bu məsələni kimsə qaldırıb və əhali köhnə dolları götürməməyə başlayıb. Nəticədə banklarda köhnə dollar yığılır və bank onu xaricə göndərib komissiya ödəyərək təzə dollar gətirir. Burada hər hansı ciddi problem yoxdur”, – deyə sədr qeyd edib.