Metanın emissiyalarının azaldılması üçün birgə fəaliyyət müzakirə olunub - Baku TV

5 iyun 2026-cı il tarixində Heydər Əliyev Mərkəzində Ümumdünya Ətraf Mühit Gününə həsr olunmuş beynəlxalq tədbir çərçivəsində “Metan Emissiyalarının Azaldılması üçün Birgə Fəaliyyət: Kənd Təsərrüfatı, Enerji və Tullantıların İdarə Edilməsi üzrə Həllər” (Joint Action for Methane Reduction: Agriculture, Energy and Waste Solutions) mövzusunda xüsusi sessiya keçirilib.

Sessiyada SOCAR-ın “Ətraf mühitlə bağlı məlumatların açıqlanması və əlaqələrin idarə edilməsi Departamenti”nin rəisi Mustafa Qurbanlı çıxış edib.

O, SOCAR-da ətraf mühitin mühafizəsi, enerji keçidi və dekarbonizasiya istiqamətində həyata keçirilən fəaliyyətlər, aşağı karbonlu layihələr və emissiyaların azaldılmasına dair strateji hədəflər barədə məlumat verib.

Eyni zamanda, beynəlxalq təşkilatlar və təşəbbüslərlə əməkdaşlıq çərçivəsində görülən işlər və metan emissiyalarının azaldılması sahəsində birgə fəaliyyətin əhəmiyyəti vurğulanıb.