Millət vəkili qadınların əmək bazarındakı fəaliyyətindən danışdı

“Dünya iqtisadiyyatında əldə olunan gəlirin 67 faizinin qazanılmasında qadınlar iştirak ediblər. Ancaq çox təəssüf ki, bu gəlirdən daha çox kişilər yararlanırlar”.

Bunu deputat Məlahət İbrahimqızı Milli Məclisdə keçirilən TÜRKPA-nın Qadın Parlamentarilər Qrupunun üçüncü iclasında çıxışı zamanı deyib.

Millət vəkili qeyd edib ki, bir dövlətin gücü tək onun resursları ilə yox, birbaşa əmək bazarı ilə bağlıdır:

“Əmək bazarında həm kişi, həm qadın var. Demoqrafiyada qadınlar üstünlük təşkil edirsə və dövlət əmək bazarında kişilərin gücündən daha çox istifadə edirsə təbii ki, o dövlətin iqtisadi cəhətdən problemləri olar”.