Qeyri-ərzaq məhsullarının idxalı üçün tələb olunan sənədlərin sayı artırılacaq - Baku TV

Deputat Azər Əmiraslanov bildirib ki, təklif edilən dəyişiklik texniki reqlamentlərin tələblərinə uyğun olmayan malların zəruri uyğunluq sənədləri olmadan ölkəyə idxalının qarşısını almağa xidmət edir.

Dəyişiklik qüvvəyə minərsə, uyğunluq sertifikatı, uyğunluq bəyannaməsi və ya tanınmış xarici mənşəli uyğunluq sənədləri təqdim edilmədən texniki reqlamentlərə tabe olan malların ölkəyə idxalı mümkün olmayacaq.

Texniki reqlamentlər yüngül sənaye və tekstil məhsullarını, tikinti materiallarını, oyuncaqları, qaz yanacağı ilə işləyən avadanlıqları, maşın və mexanizmləri, eləcə də digər qeyri-qida istehlak mallarını əhatə edir.

Bu sənədlərdə məhsulların təhlükəsizliyinə dair məcburi tələblər müəyyənləşdirilir.

Bəs sözügedən dəyişiklik idxal prosesinə və sahibkarlıq subyektlərinin fəaliyyətinə hansı təsirləri göstərə bilər?