"Masdar"ın direktoru şirkətlər arasındakı əməkdaşlıqdan danışıb - Baku TV

“Birləşmiş Ərəb Əmirliklərinin “Masdar” şirkəti “SOCAR Green” ilə sıx əməkdaşlıq edir”.

Bu barədə “Trend”ə “Masdar” şirkətinin biznesin və layihələrin inkişafı üzrə direktoru Abdulla Zayed bildirib.

A.Zayedin sözlərinə görə, “SOCAR Green” layihələrin praktiki icraya çatdırılması məqsədilə başlanğıcdan layihələrin həyata keçirilməsinin bütün əsas mərhələlərində, konsepsiya və biznes modelinin hazırlanmasından tutmuş hökumət, banklar və digər maraqlı tərəflərlə danışıqlara qədər iştirak edib.

Direktor qeyd edib ki, “SOCAR Green” yerli şirkət olaraq mühüm təcrübəyə malikdir:

“Eyni zamanda ən iri beynəlxalq neft-qaz şirkətlərindən biri olan SOCAR-ın tərkib hissəsi kimi bu qurum karbonsuzlaşdırma və “yaşıl enerji" sahəsində imkanların inkişafı üzrə strateji baxışı bölüşür. Bu tərəfdaşlıq “SOCAR Green”ə günəş, külək və digər bərpaolunan enerji texnologiyaları üzrə öz ekspertizasını genişləndirməyə şərait yaradır. Gələcəkdə bu, şirkət üçün “yaşıl enerji” sahəsində fəaliyyətini Azərbaycanın hüdudlarından kənarda da genişləndirmək imkanları yarada bilər”.