"STAR" neft emalı zavodundan yüksək nəticə

Azərbaycan Dövlət Neft Şirkətinin Türkiyədəki aktivi olan STAR neft emalı zavodu İstanbul Sənaye Palatasının reytinqində 2023-cü ildə qardaş ölkənin üç ən böyük müəssisəsi siyahısına daxil edilib.

“2023-cü ildə Türkiyənin 500 ən böyük sənaye müəssisəsi” araşdırmasına görə, ötən ilin nəticələrinə əsasən, “Star Rafineri” 226,8 milyard lirə, yəni 6,88 milyard ABŞ dolları dəyərində məhsul satışı ilə üçüncü olub.

Qeyd edək ki, STAR neft emalı zavodu 2018-ci ildə istifadəyə verilib və “Azeri Light”, “Kerkük” və “Urals” kimi neft növlərinin emalı üçün nəzərdə tutulub. Zavodun gücü 13 milyon tondur.