Cənubi Qafqaz Boru Kəməri üzrə xərclərdə ciddi artım qeydə alınıb - Baku TV

2026-cı ilin birinci yarısında Cənubi Qafqaz Boru Kəməri üzrə ümumi xərclər 60 milyon ABŞ dolları təşkil edib ki, bu da illik müqayisədə 25 % artım deməkdir.

BP şirkətinin yaydığı məlumata görə, qeyd olunan məbləğin 41 milyon dolları əməliyyat xərclərinin, 19 milyon dolları isə əsaslı xərclərin payına düşüb.

Boru kəməri 2006-cı ilin sonlarında istismara verilib və Azərbaycan, Gürcüstan və Türkiyəyə “Şahdəniz” yatağından hasil edilən qazı çatdırır.

Cənubi Qafqaz Boru Kəmərinin genişləndirilməsi sistemi ilə kommersiya qaz həcmlərinin Türkiyəyə çatdırılmasına 2018-ci ilin iyun ayında, Avropaya isə 2020-ci ilin dekabr ayında başlanılıb.

1 iyul 2026-cı il tarixindən Cənubi Qafqaz Boru Kəməri ümumi operatorluğu “BP Exploration Limited” şirkətindən “SOCAR Midstream Operations” Məhdud Məsuliyyətli Cəmiyyətinə keçib.