Rövşən Nəcəf Qordon Birrel və Cio Kristofoli ilə görüşüb - Baku TV

Azərbaycan Dövlət Neft Şirkəti (SOCAR) və Böyük Britaniyanın BP şirkəti arasında uzunmüddətli səmərəli tərəfdaşlıq və gələcək əməkdaşlıq imkanları ətrafında fikir mübadiləsi aparılıb.

Bu barədə SOCAR prezidenti Rövşən Nəcəf “X” hesabındakı paylaşımında bildirib.

Müzakirələr Rövşən Nəcəfin BP-nin apstrim üzrə icraçı vitse-prezidenti Qordon Birrel və Xəzər, Mərkəzi Asiya və Türkiyə üzrə regional prezidenti Cio Kristofoli ilə görüşündə aparılıb.

Rövşən Nəcəf bildirib ki, “Azəri-Çıraq-Günəşli” (AÇG) yataqlar blokunun dərin laylarında yerləşən sərbəst qaz ehtiyatlarının işlənilməsi, “Şahdəniz Kompressiya” layihəsi, “Qarabağ” yatağı, “Üstyurt” investisiya bloku, “Şəfəq” Günəş Elektrik Stansiyası və digər birgə layihələr üzrə işlərin gedişatı nəzərdən keçirilib.

O qeyd edib ki, illər ərzində formalaşan qarşılıqlı etimad və birgə təcrübə tərəfdaşlığı yeni layihə və istiqamətlər üzrə genişləndirmək üçün möhkəm əsas yaradır.