Sahibkarlığın inkişafı üçün yeni imkan | İqtisadçıdan açıqlama

Azərbaycanda əhalinin yatırım etmək imkanları genişləndiriləcək.

Belə ki, Mərkəzi Bankın “2024-2026-cı illərdə maliyyə sektorunun inkişaf Strategiyası”ında vətəndaşların səhm və istiqrazlara sərmayələrinin azı 1 milyard manata çatdırılması nəzərdə tutulub. Hazırda əhalinin bu istiqamətdə yatırımları cəmi 150 milyon manatdır.

Bəs əhalinin investisiya imkanlarının artırılmasının əhəmiyyəti nə olacaq?

İqtisadçı Eyyub Kərimli bildirib ki, ölkədə alternativ passiv gəlir imkanları yaranacaq:

“Bu isə büdcə gəlirlərinin artırılmasına, yeni sahələrin yaranmasına, sahibkarlığın inkişafına şərait yaradacaq. Həmçinin milyardlarla manatlıq yığımların dövriyyəyə girməsinə əhəmiyyətli təsiri olacaq”.

Qeyd edək ki, əhalinin kapital bazarlarında iştirakının təşviqi məqsədilə bu sahəyə inam və etimadın təmin edilməsi həmçinin digər tədbirlərin görülməsi nəzərdə tutulub.