Şirkətin təbii qaz hasilatı neçə faiz artıb? - Baku TV

SOCAR 2025-ci ildə 66 min metr qazma işləri həyata keçirib.

Şirkətin yaydığı məlumata görə, müstəqil şəkildə və ya əsas payçı qismində istismar etdiyi yataqlardan 7,1 milyon ton neft, 7,8 milyard kubmetr qaz hasil olunub. Bununla da təbii qaz hasilatı 2024-cü ilin göstəricisi ilə müqayisədə 1,4 faiz artıb.

Hesabat dövründə SOCAR xarici bazarlara 16,1 milyon ton neft ixrac edib. Buraya şirkətin öz imkanları ilə çıxardığı neft həcmləri ilə birlikdə ölkəmizdə fəaliyyət göstərən beynəlxalq konsorsiumlar tərəfindən hasil olunan neftin Azərbaycan dövlətinə və SOCAR-a məxsus mənfəət payları da daxildir.

2025-ci ildə SOCAR həmçinin 6,2 milyon tondan çox neft, 3 milyard kubmetrdən çox qaz emal edib. Hesabat dövründə neft emalı 2024-cü illə müqayisədə 7,2 faiz artıb.

SOCAR-ın Azərbaycandakı müəssisələrində istehsal olunan 2,2 milyon ton neft, neft-kimya və qaz-kimya məhsulları xarici bazarlara ixrac edilib.