SOCAR ilə "Equinor" arasında Anlaşma Memorandumu imzalanıb

SOCAR-ın prezidenti Rövşən Nəcəf “Equinor” şirkətinin beynəlxalq kəşfiyyat və hasilat üzrə icraçı vitse-prezidenti Filip Matyönün rəhbərlik etdiyi nümayəndə heyəti ilə görüşüb.

Görüşdə SOCAR tərəfindən “Azəri-Çıraq-Günəşli”, “Qarabağ” yataqları, həmçinin Bakı–Tbilisi–Ceyhan layihəsi üzrə “Equinor” şirkətinə məxsus iştirak paylarının alınmasına dair sənədlər imzalanıb.

Payların alqı satqısına qədər “Equinor” “Azəri-Çıraq-Günəşli” yataqlar blokunda 7,27 faiz, Bakı–Tbilisi–Ceyhan boru kəmərində 8,71 faiz, “Qarabağ” yatağında isə 50 faiz iştirak payına malik olub. SOCAR-ın iştirak payı isə “Azəri-Çıraq-Günəşli”də 25 faiz, Bakı–Tbilisi–Ceyhanda 25 faiz, “Qarabağ” yatağında isə 50 faiz təşkil edib.

Görüşdə həmçinin şirkətlər arasında dekarbonizasiya və yaşıl enerji sahələrində əməkdaşlığa dair Anlaşma Memorandumu imzalanıb.