SOCAR-ın birinci rübdə hasilatı nə qədər oldu?

2024-cü ilin yanvar-mart ayları üzrə ölkədə 7,3 milyon ton neft hasil edilib.

Energetika Nazirliyinin məlumatına görə, SOCAR üzrə hasilat 1,9 milyon ton təşkil edib.

Hesabat dövründə 6 milyon ton neft ixraca nəql olunub. Bunun 800 min tonu SOCAR-ın payına düşüb. Bu göstərici 2023-cü ilin müvafiq dövrü ilə müqayisədə 39 faiz çoxdur.

Nazirlikdən verilən məlumata görə, yanvar-mart ayları ərzində respublikada həmçinin 12,6 milyard kubmetr təbii qaz hasil edilib ki, bunun da 2 milyard kubmetri SOCAR-ın payına düşür.