SOCAR-ın göstəriciləri ilə bağlı proqnoz | 2025-2027-ci illərdə...

"Standard and Poor's" ("S&P) beynəlxalq reytinq agentliyinin baza ssenarisinə əsasən, 2025-2027-ci illərdə Azərbaycan Dövlət Neft Şirkətinin (SOCAR) əsaslı xərcləri illik təxminən 3 milyard manat təşkil edəcək ki, bu da son iki ilin göstəricilərindən yüksəkdir.

Agentliyin hesabatında deyilir:

"Demək olar ki, tamamlanmış "Şahdəniz 2" layihəsi və bu il imzalanmış "Shah Deniz Compression" layihəsi SOCAR-ın əlavə investisiyalar hesabına hasilatın artırılması istiqamətində davam edən səylərini nümayiş etdirir".

"Standard and Poor's"in baza ssenarisinə görə, agentliyin metodologiyasına uyğun olaraq təshih edilmiş "Funds from Operations"ın borca nisbəti 2025-2027-ci illərdə 12-15 % diapazonunda qalacaq və mövcud nağd vəsaitlər nəzərə alınmaqla 20 %-i ötəcək.

Bununla yanaşı, müsbət sərbəst pul axını illik təxminən 1 milyard manat məbləğində proqnozlaşdırılır.

Agentlik vurğulayır ki, hasilat SOCAR-ın fəaliyyətinin əsas istiqaməti olaraq qalır, buna görə də şirkətin Azərbaycan ərazisində yeni sahələrin işlənməsinə və mövcud aktivlərin genişləndirilməsinə investisiya qoymağa davam edəcəyi gözlənilir.