SOCAR-ın istiqraz proqramı | Sonuncu kupon ödənişinin tarixi açıqlandı - Baku TV

Avqustun 3-də ikinci SOCAR istiqrazları üzrə 19-cu kupon ödənişi həyata keçirilib. Bununla da investorlara ödənilən ümumi gəlir 21 milyon 375 min ABŞ dollarına çatıb.

Qeyd edək ki, nominal dəyəri 1000 ABŞ dolları olan 100 min ədəd istiqraz beş il müddətinə tədavülə buraxılıb. Onların illik gəlirliliyi 4,5%-dir.

Faizlər rüblük ödənilir və hər dəfə istiqraz sahibləri 1 milyon 125 min ABŞ dolları faiz alır. İnvestorların indiyədək bu istiqraz üzrə ümumi qazancı 21 milyon 375 min ABŞ dollarına yüksəlib. Bu rəqəm müddətin sonunda 22 milyon 500 min ABŞ dolları təşkil edəcək. İkinci SOCAR istiqrazlarının növbəti və sonuncu kupon ödənişi 2 noyabr 2026-cı il tarixində həyata keçiriləcək.

İndiyə qədər SOCAR-ın yeni istiqrazları ilə ümumi dəyəri 132 milyon 200 min ABŞ dolları olan təxminən 1784 təkrar bazar əməliyyatı aparılıb. Ümumilikdə, SOCAR istiqraz emissiyasına başladığı 2016-cı ildən indiyə qədər vətəndaşlara və investorlara 61 milyon 375 min ABŞ dolları faiz ödəyib.