SOCAR-ın “STAR Neft emalı zavodu”nun aviasiya yanacağı istehsalında artım

SOCAR-ın Türkiyədəki STAR neft emalı zavodu 2024-cü ilin yanvar ayında aviasiya yanacağı istehsalını ötən ilin eyni ayı ilə müqayisədə 2,3 dəfə artırıb.

Türkiyənin Enerji Bazarlarının Tənzimlənməsi İdarəsinin məlumatına görə, 2024-cü ilin yanvar ayında zavod 103 497 ton aviasiya yanacağı istehsal edib. 2023-cü ilin müvafiq ayında bu göstərici 44 824 ton olub.

Ümumi dəyəri 6,3 milyard ABŞ dolları olan STAR zavodu 2018-ci ilin oktyabrında işə salınıb. Zavodun illik emal gücü 10 milyon tona yaxındır. Müəssisə gündəlik 214 min barel xam neft emal etmək gücündədir.