SOCAR-ın təşəbbüsü ilə mühüm beynəlxalq konfrans keçirildi

Dövlət Neft Şirkətinin Eko-Parkında Qlobal Metan Azaldılması təşəbbüsü çərçivəsində bp və SOCAR-ın birgə təşkilatçılığı ilə beynəlxalq konfrans keçirilib.

Tədbirdə çıxış edənlər planetimiz üçün qlobal təhlükəyə çevrilən iqlim dəyişikliyinin yaranmasında metan emissiyalarının rolundan danışıblar.

“Paris Sazişi” və onun müddəalarının icrası, neft-qaz əməliyyatlarının bütün dəyər zəncirində metan emissiyalarının monitorinqi, onların azaldılmasında müasir texnologiyaların rolu mövzusunda fikir mübadiləsi aparılıb.

Azərbaycanda metan emissiyalarının azaldılması potensialı və bu sahədə texnoloji həllərin tətbiqi, ən yaxşı beynəlxalq təcrübələrə dair nümunələr, habelə bu sahədə layihələrin maliyyələşdirilməsi imkanlarına dair təqdimatlar edilib.

Tədbir iştirakçıları konfransın təşkilini COP29 ərəfəsində ölkəmizin qlobal iqlim gündəliyinə sadiqliyinin yüksək təcəssümü kimi qiymətləndiriblər.