SOCAR IST petrolla bağlı paylaşımlara reaksiya bildirdi

“İST Petrol” yanacaqdoldurma məntəqəsində satılan avtomobil yanacağı ilə bağlı sosial şəbəkələrdə yayılmış informasiya ilə əlaqədar “SOCAR Petroleum” QSC məlumat paylaşıb.

Bildirilib ki, “SOCAR Petroleum” QSC 11 aprel tarixində “İST Petrol” MMC rəhbərliyi tərəfindən qəbul edilən yanacağın keyfiyyəti ilə bağlı narahatedici məlumat alan kimi məsələni nəzarətə götürüb.

“Bizim üçün ən vacib məsələ müştəri məmnuniyyəti olduğundan “SOCAR Petroleum” QSC yaranmış texniki problemin nəticəsində sürücülərə dəymiş bütün maddi məsuliyyəti öz üzərinə götürüb", – açıqlamada bildirilib.

Məlumatda o da qeyd olunub ki, 11 aprel tarixində “İST Petrol” MMC-yə məxsus Əhmədli filialındakı yanacaqdoldurma məntəqəsindən bir neçə saat ərzində yanacaq dolduran sürücülərin problemləri qeydə alınıb və onların qısa müddət ərzində aradan qaldırılacağı bildirilib.