SOCAR rəsmən Bakı-Tbilisi-Ceyhan kəmərinin operatoru oldu - Baku TV
2 iyul 2026-cı il tarixində Bakı-Tbilisi-Ceyhan (BTC) neft ixrac boru kəmərinin 20 illiyi, BTC üzrə operatorluğun və BTC ilə Cənubi Qafqaz Boru Kəməri (CQBK) sistemləri üzrə vahid operatorluğun SOCAR-a təhvil verilməsi münasibətilə tədbir keçirilib.
BP-nin Azərbaycan, Gürcüstan və Türkiyə üzrə regional prezidenti Cio Kristofoli tədbirdə çıxış edərək ötən 20 il ərzində layihənin beynəlxalq əhəmiyyətindən, BP-nin uzunmüddətli səmərəli operatorluq rolundan bəhs edib.
Həmçinin Bakı-Tbilisi-Ceyhan boru kəmərinin əsası Ümummilli Lider Heydər Əliyev tərəfindən qoyulan Azərbaycanın müasir enerji strategiyasının ən mühüm nailiyyətlərindən biri olduğunu söyləyən SOCAR-ın prezidenti Rövşən Nəcəf kəmərin Xəzər regionunu Qara dəniz hövzəsi vasitəsilə Aralıq dənizi ilə birləşdirən strateji enerji dəhlizi formalaşdırdığını qeyd edib.
İqtisadiyyat nazirinin müavini Anar Axundov çıxışında son 20 il ərzində Bakı-Tbilisi-Ceyhan boru kəmərinin Azərbaycanın enerji sektorunun inkişafı ilə yanaşı, ölkəmizin dayanıqlı iqtisadi tərəqqisinə və regional əməkdaşlığın möhkəmlənməsinə mühüm töhfə verdiyini bildirib.
Nazir müavini boru kəməri üzrə operatorluğun SOCAR-a keçməsinin Azərbaycanda uzun illər ərzində beynəlxalq tərəfdaşlıq mühitində formalaşmış peşəkar bilik və əməliyyat imkanlarının məntiqi nəticəsi olduğunu vurğulayıb.
Sonra Rövşən Nəcəf və Cio Kristofoli BTC üzrə operatorluğun və BTC ilə CQBK sistemləri üzrə vahid operatorluğun SOCAR-a təhvil verilməsini ifadə edən rəmzi idarəetmə düyməsini sıxıblar.
#SOCAR teqi istifadə olunub
- SOCAR-da Enerji Dialoqu Platforması təşkil edilib - Baku TV
- SOCAR-ın idarəsi 5 ayda qeyri-neft ixracından 85 milyon dollara yaxın gəlir əldə edib - Baku TV
- Müəssisədə tətbiq olunan innovativ həllər barədə məlumat verilib - Baku TV
- Şirkətin tələbələr üçün yaratdığı imkanlar müzakirə edilib - Baku TV
- Şirkətin emal-kimya sənayesi üzrə fəaliyyətindən bəhs olunub - Baku TV
