Son bir ildə neft-qaz sektorunda nə qədər artım var? | Statistika açıqlandı

Bu ilin yanvar-sentyabr aylarında Azərbaycanda 92 milyard 829,5 milyon manatlıq ümumi daxili məhsul istehsal olunub. Son bir ildə iqtisadiyyatın neft-qaz sektorunda 0,9%, qeyri-neft-qaz sektorunda isə 7,1% artım qeydə alınıb. Bu da ölkə iqtisadiyyatının 5%-ə yaxın böyüməsi deməkdir.

Bu barədə Dövlət Statistika Komitəsi məlumat yayıb.

Ümumdaxili məhsul istehsalının 37,1%-i sənaye, 9,6%-i ticarət, 7%-i nəqliyyat və anbar təsərrüfatı, 6,4%-i kənd təsərrüfatı, meşə təsərrüfatı və balıqçılıq, 6,3%-i tikinti, 2,4%-i turistlərin yerləşdirilməsi və ictimai iaşə, 1,8%-i informasiya və rabitə sahələrinin, 19,2%-i digər sahələrin payına düşüb. Məhsula və idxala xalis vergilər ÜDM-in 10,2%-ni təşkil edib. Hesabat dövründə əhalinin hər nəfərinə düşən ÜDM-in dəyəri 9 103 manat olub.