Sülh Ermənistan üçün hansı imkanları yaradacaq?

Azərbaycan və Ermənistan arasında sülh müqaviləsinin imzalanması regionun iqtisadi mənzərəsini kökündən dəyişə bilər. "Baku TV"-nin iqtisadiyyat bölməsinin məlumatına görə, Prezident İlham Əliyevin rəhbərliyi ilə həyata keçirilən regional layihələr və sülh təşəbbüsləri Ermənistan üçün blokadadan çıxmaq və qlobal nəqliyyat marşrutlarına qoşulmaq üçün tarixi şans yaradır. Kommunikasiyaların açılması ilk növbədə İrəvanın enerji və logistika xərclərinin kəskin azalmasına xidmət edəcək.

Süjetdə qeyd olunur ki, sülh müqaviləsi Ermənistana Orta Dəhliz kimi mühüm layihələrdə iştirak etmək və xarici investisiyalar cəlb etmək imkanı verəcək. "Baku TV"-nin videomaterialında həmçinin Azərbaycanın son 30 ildə büdcəsinin 50 dəfə artması fonunda Ermənistan iqtisadiyyatının itirdiyi imkanlar və sülhün vəd etdiyi yeni maliyyə perspektivləri geniş təhlil olunur. Nikol Paşinyanın Azərbaycan Prezidentinin bəyanatlarını alqışlaması və bölgədəki yeni iqtisadi reallıqların Ermənistanın daxili bazarına təsiri barədə bütün detallar bizim reportajda.