TPAO BP və SOCAR-la razılaşma sazişi imzaladı | Təfərrüatlar açıqlandı

30-cu Bakı Enerji Həftəsi çərçivəsində BP, SOCAR və Türkiyə Petrolları Anonim Ortaqlığı arasında TPAO-nun Xəzər dənizinin Azərbaycan sektorunda yerləşən “Şəfəq-Asiman” dəniz blokuna dair hasilatın pay bölgüsü sazişinə (HPBS) qoşulmasına imkan verən bir neçə saziş imzalayıblar.

Layihə çərçivəsində Aşağı Suraxanı layına bir quyunun qazılması da daxil olmaqla əlavə qiymətləndirmə işləri həyata keçiriləcək.

Razılaşma üzrə işlərin 2025-ci ilin üçüncü rübünün sonunadək başa çatacağı gözlənilir. Razılaşma yekunlaşdıqdan sonra TPAO hasilatın pay bölgüsü sazişində ümumilikdə 30 % iştirak payına sahib olacaq. Bunun 15 %-i BP-dən, 15 %-i isə SOCAR-dan Türkiyə Petrolları Anonim Ortaqlığına veriləcək. Hazırda BP və SOCAR hasilatın pay bölgüsü sazişində hər biri 50 % iştirak payına malikdir.