4 şəhərdə seçkilərlə bağlı seminar-müşavirə keçirildi

Fevralın 7-nə təyin edilmiş növbədənkənar Prezident seçkiləri ilə əlaqədar Mərkəzi Seçki Komissiyasının Ali Məhkəmə və apellyasiya məhkəmələri ilə birgə layihəsi çərçivəsində regionlarda seçki mübahisələrinin məhkəmə qaydasında həlli mövzusunda seminar–müşavirələr start götürüb.

Bununla bağlı yanvarın 10-da Gəncədə seminar–müşavirə keçirilib.

Mərkəzi Seçki Komissiyasının üzvü Bəxşeyiş Əsgərov jurnalistlərə açıqlamasında bildirib ki, yanvar ayının 8-dən başlayan lahiyə bu gündən respublikanın dörd şəhərində – Gəncə, Naxçıvan, Şəki və Şirvanda həyata keçirilir. Seminar-müşavirələrin məqsədi seçki mübahisələrinin məhkəmə qaydasında həlli məsələləri üzrə maarifləndirmə işini təmin etməkdir.