ABŞ Ermənistanı hansı məsələdə razılığa gətirməyə çalışır?

ABŞ Ermənistanı Azərbaycanla yekun razılığa gəlməyə çağırıb.

Bunu Brüsseldə ABŞ-Aİ-Ermənistan üçtərəfli görüşünün yekunları ilə bağlı ABŞ dövlət katibinin Avropa və Avrasiya məsələləri üzrə köməkçisi Ceyms O`Brayn deyib.

“Görüş Ermənistanda aparılan islahatlara həsr olunub. Lakin biz, əlbəttə ki, İrəvanı sülh yoluna davam etməyə və Azərbaycanla yekun razılığa gəlməyə çağırdıq”, – ABŞ rəsmisi bildirib.

Onun sözlərinə görə, Ermənistan-Azərbaycan münasibətlərinin normallaşması regional təhlükəsizliyi və rifahı təmin etmək üçün ən yaxşı yoldur. Xüsusilə, bu, Aralıq dənizi regionundan Mərkəzi Asiyaya yeni ticarət yolları açacaq.