ABŞ əsirlərin dəyişdirilməsini alqışlayır
“ABŞ Azərbaycanla Ermənistan arasında saxlanılan hərbçilərin dəyişdirilməsini alqışlayır”.
Bunu ABŞ Dövlət Departamentinin mətbuat katibi Metyu Miller brifinq zamanı deyib.
“Biz bu addımı təşviq edirik və hər iki hökumətlə müzakirələr aparmışıq. Əvvəllər həbs edilən azərbaycanlıların və ermənilərin geri qaytarılmasını, həmçinin tərəflər arasında əlavə etimad tədbirlərinin müzakirə olunduğu barədə xəbərləri alqışlayırıq. Biz prosesi irəli aparmaq üçün Ermənistan və Azərbaycanla işləməyə davam edəcəyik. Biz inanırıq ki, hər 2 tərəf buna səy göstərsə, sülh mümkündür”, – deyə Metyu Miller bildirib.
Qeyd edək ki, dekabrın 13-də hərbi qulluqçuların qarşılıqlı şəkildə təhvil verilməsi həyata keçirilib. Təhvilvermə prosesində hər hansı insident baş verməyib.
![icon](/images/loading.png)