ABŞ-nin Azərbaycandakı səfiri istefa verməsinin səbəbini açıqladı

ABŞ-nin Azərbaycandakı səfiri Mark Libbi diplomatik xidmətindən istefa verib.

Bu barədə ABŞ-nin Bakıdakı Səfirliyinin “Facebook” hesabında səfirin adından bəyanat yayılıb.

Səfir istefa səbəbinin xəstəliyi ilə bağlı olduğunu bildirib.

“ABŞ diplomatik xidmətindən istefamı ürək ağrısı ilə bəyan edirəm. 2023-cü ildə ABŞ Senatında dinləmələr zamanı səhhətimlə bağlı dilə gətirdiyim qayğılar təəssüf ki, davam edib. Bakıya gəldiyim vaxtdan etibarən əla tibbi xidmətdən faydalanmışam. Lakin son testin nəticələri tamamilə öz sağlamlığımın qayğısına qalmaq üçün evə qayıtmağın vaxtı çatdığını göstərir. Ona görə də son dərəcə uğurlu 2024-cü təqvim ilini başa vurduqdan sonra istefaya çıxacağam. 2025-ci ilə qədəm qoymaq və xərçəng barədə məlumatlılığı artırmaq məqsədilə yerdə qalan bir neçə həftəni Azərbaycanda keçirmək niyyətindəyəm”, – deyə diplomat qeyd edib.